Регистрация
Аһымал концерт
2014-11-250333ДекадаСэтинньи 21 күнүгэр КСК-ҕа инвалидтарга ананан, босхо аһымал концерт буолан ааста. Киэһэ 18.00 ч концерпыт саҕаланна. Киһи бөҕө дьэ кэлбит. Саалаҕа олорор да миэстэ хаалбата, концеры ким туран, ким олорон көрбүттэрэ. Концеры иилээн-саҕалаан, тэрийэн ыыттылар харысхал эйгэтин үлэһиттэрэ (Управление социальной защиты). Ыытааччыларынан буоллулар Туйаара Васильевна Никифорова уонна Николай Семенович Романов.
Концерт «Кадриль» диэн үҥкүүнэн арылынна. Дьокуускай куоракка ыытыллыбыт «Новые имена Якутии» диэн күрэххэ кыттыбыт Настя Дубова «Мама» ырыаны ыллаата. Искусство оскуолатын иитиллээччилэрэ элбэх үҥкүүнү, ырыаны, гитараҕа оонньоон көрөөччүлэргэ бэлэх ууннулар. Кыракый да буоллаллар “Солнышко” оҕо саадын иитиллээччилэрэ эмиэ хаалсыбатылар. Ол курдук, «Пуночка» группа оҕолоро “Доброта» диэн үҥкүүннэн көрөөчүлэр сүрэхтэрин туттулар. Улууспут баһылыга Константин Николаевич Шахурдин «Ийэ» диэн Аскалон Павлов ырыатын гитаранан оонньоон ыллаата. ЦСБО ытык кырдьаҕаһа Федот Аммосов баянынан оонньоон сэргэхситтэ. Ону таһынан “Ийэҕэ махтал” Розалия Чирикова, «Ягода-малина» Михаил Фасулаки, “Мама” Надежда Апросимова, “Живет моя отрада” Олег Риис, “Старый рояль” Аня Паламарчук, “Дойдубар”, “Оччоҕо тугуй” Семен Корякин, “Осенний джаз” Таня Томская, “Тиксинский вальс” “Вдохновение” ансамбль ырыалара дьон биһирэбилин ылыахтарын ыллылар.
Кэнсиэрбитигэр өссө ону таһынан, дьон олорбут миэстэтинэн лотереяны оонньоттулар. Элбэх киһи календарь, иһит-хомуос, онтон да атын бириистэргэ тигистилэр. Онон, дьон үөрэн-көтөн дьиэлэригэр тарҕастылар.
Харысхан Попов,
ааптар хаартыскалара
Ещё по теме:
2017-05-02
Эйэ, үлэ, МААЙ: Тиксии олохтоохторо Маайдааҕы хаамыыга таҕыстылар2017-05-02
На Первомайский парад вышли более 500 тиксинцев2017-04-25
Булуҥ ыччата кэскили түстүүргэ бэлэм2017-04-25
Ыччат форумугар тиксиилэр күннээтилэр2017-04-25
«Мисс Жемчужина Севера-2017» – Виолетта Стручкова
Комментарии