Регистрация
Статья
Сырдык, сылаас дьиэлээх Саҥа дьылы көрсөр
2013-12-1701168Обратная связьХаһыат Софья Каженкина диэн кырдьаҕас дьиэтигэр ыытыллыахтаах өрөмүөн уһаан-тэнийэн эрэрин туһунан суруйбута. Ыстатыйа тахсыбытын кэннэ олохтоох дьаһалта өрөмүөнү алтынньы эргэтиттэн саҕалаабыта. Билигин аҕам саастаах киһи, дьэ өрө тыынан, сылаас дьиэҕэ ньир-бааччы малын бэринэр:
– Тиксии бөһүөлэгин дьаһалтатын тэрээһининэн өрөмүөн оҥоһуллан бүттэ. Үс киһилээх биригээдэ үлэлээтэ. Биригэдьиир Вячеслав Усачев. Икки киһи кырааскалааһыҥҥа, обуойдааһыныгар сырыттылар. Баһылык С.Н. Лиджиев бэйэтинэн кэлэн өрөмүөн хаамыытын билсэр, хонтуруоллуур. Ити чааһыгар Сергей Нахошкиевич маладьыастаата, дьиҥнээх хаһаайын буоларын биллэрдэ. Онон киниэхэ өссө махтаныахпын баҕарабын. Кырдьыга, саҥа дьыл иннинэ бүтэриэхтэрэ диэн санаам да суоҕа. Кухняны барытын эпсиэйдээн, истиэнэтин көннөрөн баран кырааскалаатылар. Муостабар чараас фанера тэлгэттилэр, үрдүнэн бэйэм көрдөһөн линолеумнаттым. Үлэһиттэртэн астынным, хаачыстыбалаахтык оҥордулар диэн санаалаахпын. Заалбын, коридору саҥаттан обуойдаатылар, туалеппар саҥа унитаз туруордулар, вааннабын кырааскалаатылар.
Билигин бэйэм суунан-тараанан Саҥа дьылбын үчүгэй настырыанньалаах көрсөргө бэлэмнэнэбин. Барыгытын эҕэрдэлиибин, дьоллоох буолуҥ, – диэн кэпсээннээх буолла.
Кырдьаҕас киһи барахсан санаата туолбутуттан наһаа сүргэбит көтөҕүлүннэ, ол аата хаһыат бэйэтин биир хайысхатын толордоҕо. «Ытаабат оҕону эмсэхтээбэттэр» диэн мындыр этии билигин даҕаны, хомойуох иһин, көдьүүһүн сүтэрбэт. Арай Софья Антоновна сайынтан саҕалаан күһүнү бүттүүн “Өрөмүөммүн оҥоруҥ даа, баһаалыста”, – диэн тойоттор кабинеттарын аанын тоҥсуйбатаҕа буоллар, баҕар хартыына атын буолуо этэ. Ити эрээри, бу сырыыга “Каженкина историята» этэҥҥэ түмүктэннэ.
Полина НИКОЛАЕВА
Ещё по теме:
2020-07-08
Якутян приглашают принять участие в онлайн-концерте, посвящённом поэту Евгению Евтушенко2020-04-15
Железные дороги Якутии объявили литературный конкурс «Моя судьба – железная дорога»2020-02-12
Нацпроект «Культура» помог оснастить культурные центры и школы Якутии новым оборудованием2020-02-11
«Гордость Якутии»: Продолжается сбор заявок в номинации «Лидер молодежной организации»2019-10-09
Нерюнгринские «Хранители легенд» установили памятник Григорию Федосееву на Становом хребте