Регистрация
“Өбүгэ оонньуутун” хапсаҕайа
2016-04-280292Хоту оҕолороБулуҥ улууһугар хапсаҕай уонна көҥүл тустуу бар дьон кэрэхсибилин ылан, спорт биир саамай сэҥээриллэр көрүҥүнэн буолла. Ол оҕолор хапсыһыыларыттан, бырахсыыларыттан, кыайыы иһин кытаанах сылбархай киирсиилэриттэн көстөр.
Тиксиигэ муус устар 23 күнүгэр КСК спортивнай саалаҕа «Хоту оҕолоро» күрэх чэрчитинэн уолаттар хапсаҕайдаан илин-кэлин түһүстүлэр. Оҕолору көрө аймахтара, учууталлара уонна доҕотторо тоҕуоруһа мустубуттара. Сылы быһа бу күрэххэ анаан бэлэмнэммит улуус бары нэһилиэктэрин оскуолаларын оҕолоро үчүгэй бэлэмнээхтэрин көрдөрдүлэр.
Хапсаҕайга иккис сылын иннин кимиэхэ да биэрбэтэх Күһүүр орто оскуолатын 11 кылааһын үөрэнээччитэ Данил Винокуров санаатын маннык үллэстэр:
– Тустууга ылсан туран Дьокуускайдааҕы Олимпийскай резервэ оскуолатыгар Прохоров Николай Николаевич диэн тренерга икки сыл тухары дьарыктаммытым. Оччолорго 7-8 кылааска үөрэнэрим, онтон илиибэр эчэйии ылан Күһүүр орто оскуолатыгар кэлбитим.
Улууска оскуола оҕолоругар ыытыллар “Өбүгэ оонньуутугар” нэһилиэкпитигэр саас эрдэттэн бэлэмнэнэн саҕалаабыппыт. Бастакы күннэргэ көбүөргэ тахсарбар, биллэн турар, кыра долгуйуу баар этэ. Ыытыллыбыт күрэххэ хапсаҕайга 65 киилэттэн үөһэни үктүүр уолаттары кытта уонна тустууга 65 киилэлээх уолаттарга киирсибитим. Киирсэр кэммэр атын нэһилиэк уолаттара бары үчүгэй бэлэмнээхтэрэ биллэр этэ. Бириистэрэ үчүгэйдэр, ону таһынан хапсаҕайдаан тустууга бастаабыппар специальнай бириис, телевизор туппутум.
Харысхан ПОПОВ
Ааптар хаартыскаҕа түһэриитэ
Ещё по теме:
2017-05-02
Традиции пешелыжного перехода сохраняются2017-04-20
Быйылгы Оонньуулар түмүктэрэ2017-04-18
Семен Шамаев: “Өбүгэ оонньуутуттан” саҕалаан “Манчаары”, “Азия оҕолоро” оонньууларыгар уонна Олимпиадаҕа тиийиэххэ сөп2017-04-04
Аҕа уонна уол “Дьоһун солбук” күрэххэ төһө бэлэмнээхтэрин көрдөрдүлэр2017-03-25
Хапсаҕай халбар хамсаныыларын көрдөрдүлэр
Комментарии