Кэтэһиилээх табаһыттар Сүлүөттэрэ буолан ааста / Маяк арктики

Статья

Кэтэһиилээх табаһыттар Сүлүөттэрэ буолан ааста
- издания
- №34
- Официально
- Общество
2016-04-050910Табаһыттар Сүлүөттэрэ - 2016
Муус устар маҥнайгы күннэригэр табаһыттар кыһыны быһа бэлэмнэнэммит, кэтэспит бырааһынньыктара Тиксии бөһүөлэгин буухтатыгар буолан ааста. Бу күн бөһүөлэкпитигэр сылаас, ичигэс күн туран дьон тоҕуоруһа муһунна. Култуура салалтата бырааһынньык кыттыылаахтарыгар, ыалдьыттарыгар үҥкүү, ырыа бэлэх ууннулар.
Күрэҕи эр дьоннор сыарҕалаах табанан 20 км ырааҕы сүүрдүүнэн саҕалаатылар. Онтон дьахталлар 5 км уонна эр дьоннор 10 км дистанцияҕа түһүннүлэр. 2 км ырааҕы эр дьон уучаҕынан (таба үрдүгэр олорон сүүрдүү) сүүртүлэр. Ол кэннэ уопуттаах, бэтэрээн табаһыттарбыт 5 км сыарҕалаах табанан ойуттулар.
Ити гынан маннык түмүктэри көрдөрдүлэр:
20 килэмиэтиргэ – Попов Иван 1 мисэтэҕэ тигистэ уонна хаарынан айанныыр “Буран” техникэ хаһаайына буолла.
5 км дьахталларга – Лаврова Розалия, киниэхэ “Милора” кухня бэлэх ууннулар.
Уучаҕынан сүүрдүүгэ Рожин Владислав тэҥнээхтэрин булбата уонна моноблок бэлэх тутта.
5 км дистанцияҕа бэтэрээннэргэ Трофимов Владимир бастыҥын көрдөрөн, МР-155 саа ылан үөрүүтэ үксээтэ.
Табаһыттарга аналлаах многоборьеҕа Рожин Владислав бастыҥын көрдөрөн Вепрь-КМ саанан наҕараадаланна.
Маамыкта быраҕыытыгар эр дьоҥҥо Попов Юрий икки миэстэлээх балаакка уонна дьахталларга Бурцева Таисия мясорубка ыланнар бастыҥ быраҕааччыларынан ааттаннылар.
Сүлүөт саамай сүрүн, улахан бирииһэ, суола-ииһэ суох сиринэн, ууну-хаары, бадарааны ортотунан сылдьар транспорт (вездеход) Күһүүр нэһилиэгин “Булунскай” МУТка барда.
Тэрээһиҥҥэ тоҥ балыгы түргэнник кыһыыга, иистэнньэҥ дьахталларга “Туундарам киэҥ куйаара” быыстапка күрэҕэ, хоту дойду олохтоохторун “Сээдьэ” үҥкүүтүгэр үчүгэйдик тыл этии уонна оскуола оҕолоругар “Өбүгэ оонньуута” күрэхтэр ыытылыннылар. Тоҥ балыгы түргэнник кыһыыга “Приморскай” МУТ үлэһитэ Никитин Христофор тэҥнээҕин булбата.
“Туундарам киэҥ куйаара” күрэххэ дьахталлар араас матырыйаалтан оҥорбут, тикпит таҥастарын көрдөрдүлэр. Куонкурус түмүгүнэн “Туундарам күөх куйаара” хаһаайкатынан Светлана Садовникова буолла, “Сахамедстрах” тэрилтэ туруорбут иистэнэр массыыната Бороҕоҥҥо айаннаата.
Өбүгэ саҕаттан умнуллубакка кэлбит “Сээдьэ” үҥкүү ыалдьыттары түмтэ. Үҥкүүгэ биэс этээччи күрэхтэстэ. Бастыҥ этээччинэн Светлана Садовникова ааттанна.
“Өбүгэ оонньуута” күрэххэ урут өбүгэлэрбит оонньообут “Суоска тэбиитэ”, “Хороҥ оту ыстаныы”, “Кириэс тэбии”, “Ким кыайан турарый”, “Ойбонтон уулааһын”, “Оҕус уонна чөҥөчөх” оонньууларыгар 8 уол бэйэлэрин холонон көрдүлэр. Хара-Уулаах уолаттара Бурцев Алгыс бастакы, Черкашин Захар иккис миэстэни ыллылар, бочуоттаах үһүс миэстэҕэ Тиксииттэн Зенин Алеша таҕыста.
Кыттааччы санаата

Хара-Уулаах нэһилиэгиттэн “Приморскай” МУТ 3 ыстаадатын биригэдьиирэ Анатолий Горохов:
– Быйылгы Сүлүөт улахан тэрээһиннээхтик барда дии саныыбын, биһиги куруук бу бырааһынньыкка кыттыбат дьоммут, өтөрүнэн кыттыбатахпытын кытынныбыт, бэйэбит санаабы. Бэйэбит бөһүөлэкпитигэр үс ыстаадалаахпыт, 3-4 тыһыынчаттан тахса кэриҥэ таба турар. Бырааһынньык бэйэбит сирбитигэр-уоппутугар ыытыллара, туундара дьоно, табаһыттар бары мустан, биһиэхэ, табаһыт дьоҥҥо, көрөргө астык. Табаларбытын сүүртүбүт, биһиги санаабытыгар бастааһын диэн буолбакка, сүрүнэ кыттааһына буоллаҕа. Сылын аайы кыттар “Бороҕон”, “Булуҥ” МУТ-тар уопуттаахтара биллэр. Эдэр табаһыттарбыт уопутуран бардахтарына илин-кэлин түсүһүөхтэрэ диэн санаабыт бөҕөх. Табаһыттары сааскы бырааһынньыган эҕэрдэлиибин, үөрэ-көтө сылдьыҥ!
Харысхан ПОПОВ,
Ааптар уонна Анатолий Иванов хаартыскаҕа түһэриилэрэ
Победители улусного Слета оленеводов-2016
Гонка на оленьих упряжках. Мужчины. 20 км:
1 место – Попов Иван Алексеевич (снегоход "Буран");
2 место – Рожин Владислав Христофорович (спутниковый телефон Iridium);
3 место – Бурцев Николай Егорович (электрогенератор Yamaha 5 кВт).
Гонка на оленьих упряжках. Мужчины.10 км:
1 место – Попов Александр Николаевич (лодочный мотор Mercury 15);
2 место – Корякин Семен Иванович (комплект солнечных батарей);
3 место – Винокуров Тимофей Григорьевич (телевизор Samsung 48”).
Гонка на оленьих упряжках. Женщины. 5 км:
1 место – Лаврова Розалия Петровна (кухня "Милора");
2 место – Шамаева Саргылана Симовна (кухонный гарнитур + журн. столик);
3 место – Садовникова Светлана Егоровна (кухонный гарнитур (раскл.)).
Гонка на упряжках (ветераны). Мужчины. 5 км:
1 место – Трофимов Владимир Степанович (ружье МР-155);
2 место – Горохов Анатолий Михайлович (теплогенератор «Таежное элект.-1»);
3 место – Стручков Иннокентий Николаевич (бензопила Stihl).
Гонка верхом на оленях. Мужчины. 2 км:
1 место – Рожин Владислав Христофорович (моноблок DЕXP Aquilon О103);
2 место – Павлов Айсен Андреевич (ноутбук Acer ES1 -531-C6H4);
3 место – Горнаков Владимир Владимирович (планшет Samsung Galaxy Tab).
Гонка верхом на оленях. Дети. 1 км:
1 место – Корякин Петр Прокопьевич (ноутбук DEXP Aquilon 0141);
2 место – Никитин Сергей Корнеевич (планшет Asus Transformеr Pad);
3 место – Корякин Павел Иванович (смартфон Acer Z530).
Буксировка лыжника. Юноши. 2 км:
1 место – Корякин Семен Иванович (сертификат «Охотник» на 25 тыс. руб.);
2 место – Корякин Семен Айалович (сертификат «Охотник» на 20 тыс. руб.);
3 место – Стручков Спиридон Мирович (сертификат «Охотник» на 15 тыс. руб.).
Многоборье. Мужчины (оленеводы):
1 место – Рожин Владислав Христофорович (карабин Вепрь-КМ);
2 место – Скрыбыкин Иннокентий Васильевич (карабин Сайга-МК);
3 место – Винокуров Роман Тимофеевич (карабин ОП СКС).
Метание аркана. Мужчины:
Попов Юрий Иннокентьевич (палатка 2-мест.).
Метание аркана. Женщины:
Бурцева Таисия Спиридоновна (эл. мясорубка).

отправить другу
Имя отправителя
E-mail отправителя

Адрес публикации - http://www.mayakarc.ru/?module=articles&action=view&id=1423

Отправить

Статья

Кэтэһиилээх табаһыттар Сүлүөттэрэ буолан ааста

Ещё по теме: