Өрөбүллэр туһалаахтык аастылар / Маяк арктики

Статья

Өрөбүллэр туһалаахтык аастылар
- издания
- №26
- Общество
2016-03-150893Уопсастыба
Бу өрөбүллэргэ Тиксиигэ хаҥкылыыр сири оҥоруу үлэтэ барда. Манна бөһүөлэк эдэр ыччата үлэлэстэ, ол эрээри саастаах да дьон туора турбатылар, ол курдук чөл олоҕу тарҕатааччыннан, спорка угуйааччыннан дьоҥҥо-сэргэҕэ киэҥник биллэр Д.Н. Болтунов уонна Н.Д. Шахурдин көхтөөхтүк үлэлэстилэр.
Бастакы күн хаҥкылыыр сир кээмэйин быһан, оҥоһуллуохтаах сирин хаарын ыраастаан, ол бу араас бөҕү-саҕы хомуйдулар. Кутуллар уу таһынан барбатын диэн хотуок быһыллыбыт кээмэйин кытыыларыгар хаптаһын мастары хаарынан сыбаан уурталаатылар. Бу күн үгүс Тиксии олохтоохторо быыс, бириэмэ булан, оҕолуун-уруулуун кэлэн көмөлөстүлэр. Бу кэннэ Булуҥнааҕы баһаарынай чаас үлэһиттэрэ кэлэн уунан толору куттулар. Сарсыныгар хотуокпутун чиҥэтэн биэрдибит, барыта биир тэҥнээх буоларын наадатыгар эбии хотуок кытыыларыгар хаптаһын мастары үрүт үрдүгэр ууран биэрдилэр. Бу кэлбит бириэмэбитигэр оруобуна хаҥкылыыр сиргэ кыра оҕолор оонньоон көрүлүү сылдьаллар эбит. Хата оҕолор туран хаалбакка илии-атах, көмө бөҕө буоллулар.
Хаҥкылыыр сир билигин өссө даҕаны толору бүтэ илик. Бу күннэргэ үчүгэйдик чиҥэтэн, оҥорон, өссө төгүл уу куттаран биэриэххэ наада. Бу олус үчүгэй көстүү – бөһүөлэк ортотугар хотуок баара. Сотору кэминэн манна киһи-аймах тоҕуоруһа мустуоҕа: оҕолор оонньуур-көрүлүүр, ыаллар оҕолорун кытта сынньанар, тапталлаахтар сылдьар сирдэрэ буолуо диэн бигэ эрэллээхпит.
Харысхан ПОПОВ
Ааптар хаартыскаҕа түһэриитэ

отправить другу
Имя отправителя
E-mail отправителя

Адрес публикации - http://www.mayakarc.ru/?module=articles&action=view&id=1393

Отправить

Статья

Өрөбүллэр туһалаахтык аастылар

Ещё по теме: