Регистрация
Кинилэр олоххо тардыһыылара өссө күүһүрдүн
2015-12-030230Инбэлииттэр декадалараАхсынньы 3 күнэ Аан дойдутааҕы инбэлииттэр күннэрэ. Бу күн чэрчитинэн, Булуҥ улууһугар ахсынньы 3 күнүттэн саҕалаан 12 күнүгэр диэри анал декада ыытыллар.
Декадаҕа инбэлииттэри социальнай өттүнэн өйүүр уонна кинилэр кыһалҕаларыгар общество болҕомтотун тардар соруктаах араас тэрээһиннэр ааһыахтара. Ол туһунан кылгастык кэпсиир Инбэлииттэр обществоларын бэрэссэдээтэлэ Апросимова Н.И.:
– Биһиги улууспутугар быһа холоон 380-ча инбэлииттээхпит, онтон 48-һа – оҕо. Инбэлииттэр обществоларын саамай сүрүн кыһалҕатынан анал помещение суоҕа буолар, анаабыт помещениеларын күн бүгүҥҥэ диэри быһаара иликтэр. Биһиги обществобытыгар уопсайа 79 киһи турар, олору кытта үлэлэһэбит. Инбэлииттэргэ аналлаах тэрээһиннэри, кэпсэтиилэри, көрсүһүүлэри сыл аайы буоларын курдук библиотека үлэһиттэрэ көмөлөөх ыытабыт.
Декада үөрүүлээх арыллыыта улуустааҕы администрация аактабай саалатыгар буолуо, улуус баһылыга К.Н. Шахурдин эҕэрдэ тыл этэн анал декаданы арыйыахтаах. Нэдиэлэтээҕи тэрээһиннэр «Право жить, а не существовать» диэн ааттаах кинигэ быыстапкатынан библиотека ааҕар саалатыгар түмүктэниэҕэ.
Нэһилиэктэри кытта төлөпүөнүнэн үлэлэһэбит, нэһилиэктэр социальнай үлэһиттэрэ үлэлэрэ таһаарыылаах. Чорботон бэлиэтиэм этэ Бороҕону, Хара-Уулааҕы, Таймылыыры. Бу нэһилиэктэргэ инбэлииттэргэ куруук оскуолалар көмө оҥороллор, араас тэрээһиннэри ыыталлар. Тимуровскай этэрээттэрдээхтэр, оскуола оҕолоро инбэлииттэргэ мас хайытан, уу баһан, муус таһан үлэ бөҕөтүн үлэлииллэр, көмө бөҕөтүн оҥороллор.
Спорт өттүнэн көрдөххө ситиһиилэрбит кыра да буоллаллар бааллар, ол курдук бу саас биһиги инбэлииттэрбититтэн Алексей Антонович уонна Антон Антонович Никитиннэр диэн ини-бии уолаттар өрөспүүбүлүкэтээҕи пневматическай саанан ытыы күрэҕэр ситиһиилээхтик кыттан кэлбиттэрэ. Ону таһынан өрөспүүбүлүкэтээҕи хабылык, хаамыска күрэҕэр бу икки уол уонна Тиксииттэн Светлана Михайловна Попова кыттыбыттара.
Өссө да ситиһиилэрбит элбэх буолуохтар эбит да, инбэлииттэргэ анал спортивнай секция Тиксиигэ суоҕа хомотор. Секцияларга инбэлииттэрбит сылдьыахтарын олуһун баҕараллар. Бу боппуруоһунан кэпсэтиилэр барбыттара ыраатта. КСК үлэһиттэрэ дьарыкка сырытыннарыахтарын баҕарбыттарын да үрдүнэн, Тиксиигэ инбэлииттэри кытта үлэлэһэр, эрчийэр анал тренер суоҕа хааччахтыыр.
Харысхан ПОПОВ
Ещё по теме:
2017-05-02
Эйэ, үлэ, МААЙ: Тиксии олохтоохторо Маайдааҕы хаамыыга таҕыстылар2017-05-02
На Первомайский парад вышли более 500 тиксинцев2017-04-25
Булуҥ ыччата кэскили түстүүргэ бэлэм2017-04-25
Ыччат форумугар тиксиилэр күннээтилэр2017-04-25
«Мисс Жемчужина Севера-2017» – Виолетта Стручкова
Комментарии