Регистрация
Статья
Алта кыталык кыргыттарбыт, икки туруйа уолаттарбыт – аҕыс аламаҕай дьоннорбут
2015-06-1801102Выпуск – 2015Бэс ыйын 12 күнүгэр алта кыталык кыргыттарбыт, икки туруйа уолаттарбыт – аҕыс аламаҕай дьоннорбут, биһиги инники эрэллэрбит – оҕолорбут, Хара-Уулаах орто оскуолатын бүтэрбит үөрүүлээх киэҥ ыҥырыылаах киэһэлэрэ (банкеттара) буолан ааста. Киэһэни аста М. Д. Яковлева, оскуола завуһа, оҕолору эҕэрдэлээн туран аттестаттары туттартаата, баҕаран талбыт үөрэхтэригэр ситиһиилээхтик киирэллэригэр баҕарда, төрөппүттэргэ оҕо иитиитигэр сырамталаах үлэлэрин иһин махтал суруктары туттартаата. Онтон тылы кылаас салайааччыта А. В. Слепцова ылан, кини оҕолорун кытта сиэттиспитинэн оскуоланы бүтэрбиттэринэн, БКЭ-ны (биир кэлим экзамены) үчүгэйдик туттарбыттарынан эҕэрдэлээтэ уонна өйдөбүнньүк хаартыскалары туттартаата. Төрөппүттэр ааттарыттан Л.Л. Никитина, оҕолор оскуоланы ситиһиилээхтик бүтэрэн, үрдүк, орто үөрэх кыһаларыгар куорсун аспыттарынан истиҥ эйэҕэс тылларынан эҕэрдэлээн, оҕолор салгыы үөрэнэллэригэр, доруобай буолалларыгар алҕаан, үөрэн-көтөн туран тыл эттэ. Кини кыыһа Алина бэһис кылааска диэри туйгуннук үөрэммитэ уонна оскуоланы бүтэриэр диэри “үһэ” суох үөрэнэн, биир кэлим экзамены «түөрт”, “биэс” сыанаҕа туттаран, ийэ барахсан оҕотун туһугар үөрүүтэ кэмэ суох/
Төрөппүттэр, оҕолор оскуоланы бүтэрэллэригэр кинилэри кытта уон биир сылы быһа алтыһан, сыраларын биэрбит, үөрэппит учууталларыгар, оскуола дириэктэригэр Е. Д. Чиряеваҕа, М. Д. Яковлеваҕа, А. В. Слепцоваҕа, тех. үлэһиттэригэр муҥура суох махталларын тиэрдэллэр. Үлэлэригэр үрдүк ситиһиилэри, чэгиэн доруобуйаны баҕараллар.
Биһиги кыракый бөһүөлэкпит биир күннээх кылгас сонуна маннык.
Федот Аммосов,
Хара-Уулаах нэһ.
Ещё по теме:
2020-04-15
Что ждёт систему образования Якутии после пандемии коронавируса?2020-02-12
Айсен Николаев об исполнении нацпроектов: «Нам нужны кардинально новые подходы»2020-02-12
Нацпроект «Культура» помог оснастить культурные центры и школы Якутии новым оборудованием2020-02-11
В Якутии в ближайшее время начнутся единовременные выплаты ветеранам ВОВ2020-02-11
«Гордость Якутии»: Продолжается сбор заявок в номинации «Лидер молодежной организации»